王祖藍遇彭于晏撩操肌:傻咩?我見暈!

20141023
東網電視
更多新聞短片
王祖藍與彭于晏因拍戲成了好朋友,雖然祖藍冇跟彭于晏一齊操股,但為咗部戲,佢都要苦練八卦棍。
藝人王祖藍在電影《黃飛鴻之英雄有夢》中飾演少年牙擦蘇,祖藍每日都要將一副「度口訂造」的大假牙放入口中,看造型已十分搞笑,祖藍說:「導演唔使我搞爛gag,只係自自然然跟劇本走就可以,呢個造型幫助很大,由於劇情緊湊動作戲連場,我嘅出現可以產生調劑作用,畀觀眾一啲呼吸位。」
祖藍在片中與彭于晏有肉帛相見的場面,當遇上爆肌的彭于晏,祖藍說﹕「見到呢類高大靚仔當然又羨慕又妒忌,但合作過後,親眼見到佢背後付出嘅努力,真係不足為外人道。佢叫我同佢一齊訓練半年,我當時諗,傻咩?要我練一個星期都見暈。」
八卦棍高過自己
搞笑戲難不到祖藍,但為了挑戰打戲,祖藍花了一個多月苦練八卦棍。首次練武卻要耍一支比他身材還要高的長棍,祖藍經常在訓練時誤傷自己,但並無怨言,還自嘲是打戲的「初哥」:「我對今次演出感到好大挑戰,可以向洪金寶、張晉同彭于晏咁好武功嘅演員學習,實在好難得。」