崔建邦有新歡　唐詩詠接愛貓走

藝人唐詩詠在將軍澳電視城出席無綫新劇《當鐵馬遇上戰車》開工拜神儀式。早前有報道指她繼續上舊愛崔建邦的住所，疑似仍管有對方家中鎖匙，但就斬釘截鐵話自己冇鎖匙，而當時只是接愛貓「銀仔」走。問分手後帶走寵物會否倍覺感慨？她就指兩人其實有共同撫養權：「佢都有睇銀仔嘅權利。」就好似分居的夫婦都有權利探自己仔女。問到分手幾耐？她就指好難數：「做番朋友都好開心！」又避談當時誰提出分手，希望對方開心。談到對方新歡僅18歲，問有何感覺？她謂：「冇呀，個女仔係鍾意係夾嘅就冇問題，最緊要係開心，我都戥佢開心。」

至於與洪永城發展成點？她謂：「得閒都有短訊。（好耐之前都係！）佢冇心！（主動約佢？）我上海番嚟冇耐就開呢套，女仔係等人約！」