徐子珊為情喊爆　監製讚演出質感

徐子珊於劇集《再戰明天》再接受挑戰演紀律部隊，為掩飾其巨大創傷的內心恐懼，再加上與吳啟華的18年差距戀愛，子珊於角色造型上也花盡心思，除了戴上冬菇頭假髮外，服飾也會挑選年青一點，就連說話方面也特別作出調教，務求為觀眾帶來新鮮感。

談到與楊詩敏(蝦頭)一段囚犯與懲教人員的友情，卻被誤會為愛情，最終令對方結束生命，另方面與啟華的戀情亦無稜兩可，令子珊內心積聚多時的壓力一次過爆發，更一時想不通自殺，她謂:「蝦頭件事我覺得係自己一手造成，再加上種種問題令情緒崩潰得好犀利，拍嘅時候都要醞釀情緒，好想一次過OK，但要多角度拍攝，都喊成晚架!」談到戲中為情自殺，子珊坦言現實生活中絕對不會，她謂:「唔可以一齊，實在有太多原因，就算自殺都解決唔到問題，相反令對方有壓力，最終死同唔死感覺都唔好受，何必呢!(咁受情傷會點?)要時間接受架，我會容許自己大喊幾日，釋放咗啲負能量先，人大咗啲感情愈豐富!」

雖然該劇不乏內心戲，但對子珊來說絕無難度，更被監製大讚演得有質感，絕對有實力衝擊視后，不過子珊並未有想太多，她謂:「成日諗住會好攰!我又唔會為獎項去揀劇拍，總之每次都會盡力演好佢，當然監製咁講好開心，畀好多機會我，好似之前《雷霆掃毒》咁，亦都多謝編審，創造個咁特別角色畀我，所以盡力而為啦!」