新加坡頒獎禮　薛家燕同「女兒」佘詩曼難得聚首

藝人薛家燕早前與她口中的「女兒」佘詩曼，在新加坡的《星和無綫電視大獎2014》中雙雙獲獎，家燕指這是好兆頭，她說：「好耐冇見個『女』啦，好開心見番面，就大家都有獎攞。阿佘攞咗『我最愛TVB女主角』，我就同王祖藍攞咗『我最愛TVB綜藝節目主持人』，真係好兆頭！因為我哋遲吓就會開工拍電影版《十月初五的月光》！我又可以見番祝君好呢個女！其實我同阿佘自從2000年電視版《十月初五的月光》之後，各有各忙，今次喺新加坡見番面，我哋喺後台影咗好多相，傾咗好多偈，玩得好開心！當年《十月初五的月光》電視版好多觀眾好鍾意，我希望遲啲喺電影版度，繼續做齣好戲畀觀眾睇啦！」