吳千語深信林峯冇小三：連食飯都隱瞞唔到

吳千語還有3天就生日，她表示仍未知會如何慶祝，到時等驚喜，提到她男友林峯指她很醒，經常踢爆男友的驚喜，她說：「佢太容易估，不過踢爆佢會好無癮，所以都唔會去預計。佢太明顯，諗得太少喇，連Book餐廳食飯都將餐廳名Set落電話，間餐廳一打嚟就知。（咁你咪唔驚佢有小三？）好多嘢佢都隱瞞唔到，連食飯都隱瞞唔到。（好放心佢唔會有小三？）佢個人唔會嘅。（佢可能Set埋小三電話。）Set做BB2。」

博殺期未打算結婚

提到有傳她男友以一億簽約英皇，她說：「唔知，人哋無講，無問價錢，最重要間公司幫到佢，佢哋之前有合作過，有默契，相信會合作得好好。（你哋唔同公司有無失望？）我終於清白，之前話我慫恿佢簽我公司，依家證明唔係。（佢簽新公司後可能忙咗無時間陪你？）忙啲好，男仔做多啲嘢好，做呢行唔忙先驚。（咁咪未有時間結婚？）暫時唔諗住，依家係搏殺期，做呢行嘅壽命唔長，目前工作先。（佢喺你生日當日求婚？）相信唔會，一定無可能。」