海報被偷惹討論　睡巴美人黎紀君

最近巴士公司宣傳新線的「睡美人」海報被偷去，掀起誰是「睡美人」討論！這位美人正是20歲的模特兒黎紀君，樣子甜美兼眼大大的她成為廣告新星，升呢宅男女神！

20歲的黎紀君（Christy） 入行一年， 主攻模特兒工作，憑甜美樣子成為不少廣告寵兒，早前她為巴士宣傳新線的「睡美人」廣告擔任模特兒，穿上OL服裝的她睡在座位上拍攝硬照，最後該廣告印了數千張海報貼在巴士站頭，上水、粉嶺及尖沙咀等地剛貼上即被人偷走。Christy 對此感到愕然，她說：「其實我都唔知，係有朋友講先知，第一次被人偷圖個感覺好怪，不過出活動開始有人識叫我個名。」

自認性格似阿Sa

除了模特兒外，口齒伶俐的Christy 平日亦有擔任主持工作，未來希望有機會拍劇或電影，她說：「我細個嗰陣鍾意Twins，特別鍾意阿Sa（蔡卓妍），佢做戲好好，覺得佢成日都帶畀人歡樂，好似我咁成日笑，而且同自己性格差唔多。」問到喜歡哪一類型的電影？她二話不說即指是喜劇：「平時同朋友出街，我都好好動，乜都笑一餐，所以做喜劇就啱晒！」但坦言現階段先完成大學課程，才全力加入娛樂圈，亦得到父母支持，讀書與工作取得平衡。

「童夢」太貴

Christy自小愛被鏡頭捕捉，每次影相時，她都會自自然然擺出如模特兒的姿勢，有板有眼。雖然她現時是模特兒，但其實兒時夢想是開一間咖啡店：「有自己嘅舖頭，做自己鍾意嘅嘢，個感覺真係好輕鬆！不過依家好難實現，啲租咁貴！」

Profile

姓名：黎紀君（Christy）

年齡：20歲

三圍：33、25、35

高度：1米67

入行經過：本身是學生及兼職Model， 被發掘後簽了模特兒公司，曾拍攝巴士廣告。