王浩信恨做番歌手

藝人王浩信為無綫劇《再戰明天》到沙田一間老人中心進行探訪活動，更即席大展歌喉。雖然正開拍無綫新劇《樓奴》，但他仍然抽兩日時間練習經典金曲《讓一切隨風》，好讓在場的「哥哥姐姐」聽出耳油。

問有否歌癮起？王浩信坦言：「其實都有同公司講想唱吓主題曲，自己都好鍾意唱歌，就算依家音樂市場唔係太好，但都好有希望，所以都有keep住自己個技能。（啱啱諗番起之前做歌手？）係呀，好懷念嗰時！今次唱呢首經典歌都好開心！」他又透露自己29號完成《樓奴》拍攝後，就會在11月1號再開工與歐陽震華合拍新劇，果然工作一浪接一浪。