張智霖要做「樓王」：以任達華為榜樣

張智霖以「Cool魔」機師造型現身活動，他笑言有意參觀附近樓盤，他說：「我係樓迷，好鍾意睇樓，唔一定要買，欣賞吓，留意下大巿走勢。（鍾意買樓投資？）中國人傳統思想係買磚頭，有興趣，有能力會儲起錢買。（依家有幾多物業？）少少啦。（希望喺世界各地置業？）我哋呢行任達華就係咁，佢係我嘅目標，以佢為榜樣。（最想喺外國邊度置業？）巴黎，好浪漫好靚。」提到最近有傳佘詩曼（阿佘）與鄭嘉穎復合，將夥拍阿佘拍戲的張智霖祝對方幸福快樂。