同老公玩「震波」猜枚？謝安琪話需要家長指引

歌手謝安琪（Kay）出席「HMV慶祝開業20周年酒會」，由於Kay老公張繼聰最近在新劇《老表，你好hea！》中，以胸肌「震波」猜枚，司儀不禁在台上笑問Kay可有與老公玩這種「另類遊戲」，她笑說：「我呢方面好缺乏，唔係人人都得，需要家長指引，我媽咪就冇指引我啦！」其後，她在台上獻唱出新歌《獨家村》，提到最近推出新碟反應理想，她說：「知道反應好好，其實我未正式做宣傳活動，但聽講已經連續四星期喺銷量有冠軍同埋較高嘅位置，依家都加印緊，因為大碟封面上設計咗個圓圈喺我塊面上，會透出一個沙漠，所以印刷上比較嚴謹。」

追睇《老表》讚精彩

提到老公有份主演劇集《老表》，Kay表示有一直追睇，大讚劇情精彩：「其實套劇唔只係搞笑，喺呢個時刻，香港需要放鬆吓神經，搵到快樂。我知道有好多人都關心社會，呢套劇都加入咗好多現時嘅節奏入去。」提到阿聰在劇中不時大晒肌肉，相當性感，她笑言：「佢呢啲唔係性感，而係油淋淋，長期都成身油。（屋企搽油畀你睇？）冇搽畀我睇，我覺得佢今次係為藝術而豁出去。」Kay又表示為《老表》客串一幕，落區支持音樂人的情節，對於阿聰與韓馬利有「重口味」情節，Kay說：「大家都尊重大家嘅工作，當佢有一啲『高難度』演出，都會事先同我講，我哋好有空間。」