莊思明被父追問幾時出糧

藝人莊思明（Lisa）憑電視劇《愛‧回家》飾演晴晴一角成功入屋，似乎Lisa唔單止喺劇集裏充滿溫情，現實生活中嘅佢亦出名同模特兒家姐莊思敏感情好，父母都非常鍚佢，佢喺微博話：「我爸爸最近經常問我：『電視台出幾錢糧俾（畀）你呀？工作開心嗎？錢夠用嗎？有無新朋友？爸爸希望你可以快樂。』每次聽到這番話我只會帶著（着）微笑跟他說：『爸，我很好！』養兒一百歲，長憂九十九。為人父母真偉大！」果然係warm到爆！