要仔唔要老公！呂慧儀爆老公成日呷個仔醋

藝人呂慧儀身穿全黑色露肩連身裙加平底鞋，於銅鑼灣醫療診所挑戰膽固醇測試，產後兩個多月的她已清減不少，不過明顯未到最fit狀態，她亦直認未修身成功，望多減十磅，但沒有節食減肥，因仍需要餵人奶，她說：「想BB飲得幾耐就餵幾耐啦！（影響工作？）唔會！影響我生第二胎多啲！」不過她表示不會放棄幕前工作，因坐一個月已十分悶！

問到成為人母後會否減少性感，她謂：「性感易走光呀！（為咗囝囝唔再性感？）為咗個仔連老公都唔見添！早排老公病咗，要佢分房瞓，成個星期唔畀佢掂個仔！」她又笑謂老公黃文迪經常呷囝囝醋。問到何時會帶囝囝出來見人，她表示：「其實都可以，想佢多啲接觸吓個社會！」講起囝囝，長腳蟹就停唔到，大爆謂囝囝盡得其真傳，不怕陌生人，又謂早前在家中與囝囝玩口水肩fashion show，笑言他可做bb模特兒！