陳茵媺宣布再佗仔

懷有四個多月身孕的陳茵媺出席時裝活動時，透露已照了腹中BB的性別，她開心地宣布：「係仔仔嚟，我有two boys。（咁老公加兩個仔仔，你咪有3個情人？）it's very true。（驚唔驚佢哋爭你？）唔驚，作為女士會好開心。佢兩兄弟會成為best friend，因為年紀好close，差一年兩個月。好似阿Mo（丈夫陳豪）同佢兄弟都係差一年，都好close。（仔仔知自己做哥哥未？）佢仲細，未有呢個idea同concept，希望佢唔會呷醋。I think it's ok，佢性格比較獨立，已經有大哥哥嘅性格，我諗會好易接受到，唔太擔心，會幫細佬準備份禮物送畀哥哥。（細佬可以着哥哥啲衫？）會呀，知道中國人咁樣代表good luck，不過如果細佬全部衫都係哥哥舊衫對佢唔公平，所以都會買啲新嘅。（計劃再生個女？）呢啲慢慢嚟，我想做吓嘢先，想做working mum，balance吓家庭同工作，同埋睇吓搞唔搞得掂兩個。（依家努力賺奶粉錢？）現代媽咪係咁，大肚唔一定淨係留喺屋企，我對工作仲有熱情同有團火。」她又謂可以開始為BB想名字，會先跟丈夫一起想英文名。