吳啟華自爆與石洋子已分居逾三年

吳啟華最近被指與太太石洋子婚變，雖然之前他指報道誇張，但昨日與太太、女兒於雲頂度假回港的他，坦承與太太石洋子其實已分居三、四年，而6歲的女兒吳熙兒一出世便跟婆婆住，啟華指兩夫婦一直都努力解決問題，這幾年都有一齊去旅行，希望好好溝通，不過問題亦並不是一時三刻可以解決到。

另外，有報道指石洋子身邊有不少男士，啟華即護妻謂：「個男仔我都識，係結婚時伴郎，都要同朋友講唔好意思，啲報道亦好似攻擊我老婆咁。」問今次旅行有否令二人關係好轉？他重申指問題非一時三刻可解決。啟華又指女兒現時讀小學，都想留她在自己身邊，在香港讀書。此外，石洋子於微博留言，意指想復出，不能讓啟華幫，要靠自己，啟華對此謂：「佢想做嘢都無可口非，咁後生就同我結婚生仔，做嘢都可有寄託。」而記者致電給石洋子，她聽電話後只謂：「不好意思，我現在要登機。」跟着便掛線，據知她返港後便隨即轉機到北京。