堅拒北上拍劇　黎耀祥預告有好戲睇

藝員黎耀祥、蕭正楠、曹永廉、陳凱琳、邵美琪和蔡思貝等到東涌出戰高球比賽，為台慶劇《名門暗戰》宣傳，該劇下周一出街，祥仔表示充滿信心：「台前幕後都係《大太監》班底，水準好高。（可有信心再攞視帝？）冇乜所謂，講真已經攞咗三屆，對自己已經有交代，希望觀眾有好戲睇，都好耐冇呢啲豪門爭鬥戲，希望可以緩和近期社會啲氣氛。」

吳啟華宣布，婚姻生活美滿的祥仔感到可惜，認為感情事很難說得清楚。問可覺得是經常分隔兩地導致婚姻破裂？祥仔說：「所以我一直都堅持唔去大陸拍劇，眼見太多例子。」

陳凱琳眼藥水催淚

而陳凱琳自爆拍攝時最難是拍喊戲，要靠滴眼藥水催淚：「好期待套劇出街。」至於蔡思貝則表示演戲毋須與人比較，最緊要做好自己。