王浩信拍戲冇時間剝牙　趁放假連剝兩隻

藝員王浩信、李詩韻、岑麗香及麥長青等到尖沙咀為演出劇集《樓奴》進行煞科宴，由王浩信、李詩韻及岑麗香等七人夾錢請台前幕後食飯慶功。

休息放低角色

李詩韻完成新劇後將休息一個月，隨後到新加坡拍劇，但她笑言要趁假期先戒除粗魯惡習，她笑說：「《樓奴》角色好粗魯，啲朋友都話我呢排做乜粗魯咗，都要放低個角色。（男友投訴粗魯？）咁又冇，咁佢都鍾意我斯文嘅。」

放假做手術

王浩信緊接將拍新劇《東坡家事》，但趁有數天假期，要進行小手術，他說：「依傢箍緊牙希望棚牙整齊啲，本來應該分開剝兩隻牙，但冇咁多時間，唯有一次過剝兩隻，所以都係小手術。」王浩信講到吳啟華離婚感可惜，他指拍攝《再戰明天》時未有聽聞，也不覺得啟華不開心，故並未察覺。

搵朋友維繫友誼

岑麗香完成《樓奴》後亦有假期可讓她旅行充電，她說：「有可能返溫哥華探吓屋企人，或者會同朋友去度假，一拍劇就冇時間，好似同朋友有啲疏離，都要畀啲時間去維繫友誼。」