激罕！岑麗香低V裝晒「胸器」

藝人岑麗香（香香）身穿低V花裙在沙田新城市廣場擔任活動嘉賓，與外國形體藝術團體和人體彩繪大師交流，當中香香更親身為扮紅鶴的表演者「點睛」。問鮮見性感的她會否怕走光？她就指估不到花裙如此性感：「都黐實晒膠紙，打晒底，所以都安全。（酬勞好所以性感？）唔關事，出活動係公司安排，所有details我都唔知，我就負責玩啫，幾開心！（請教高海寧？）佢好叻，我哋每次出event都會袋定啲膠紙，同做足準備。」

唔敢膽除衫玩人體彩繪

問有否玩過人體彩繪？香香就話未玩過：「最近嘅就係細個嗰時畫面啫，我亦都試過喺嘉年華幫小朋友畫面，幾好玩。但全身就比較怕醜啲，未必除晒衫畀人畫，我冇佢哋咁夠膽。」又指在後台見到他們事前準備充足，落足心機：「要咁樣企足幾分鐘，我嘅體力未必應付得到。」

只去過一次蘭桂坊

問明天萬聖節會怎樣慶祝？香香就指會和朋友食飯，又透露小時候喜歡為南瓜裝飾。至於有否試過到蘭桂坊歡度萬聖節？她就表示未試過，來港至今亦只到過一次蘭桂坊：「我喺外國都聽過蘭桂坊係一個好多嘢玩好多嘢睇嘅地方，呢個係香港一個有特色嘅地方，所以都要見識吓，之後就返屋企瞓覺。（見識咗咩？）見到啲人好玩、好放。」但表示當時沒有男性上前結識。