簽約睇咩條件？胡杏兒最緊要有時間識男朋友

胡杏兒以代言人身份出席腕錶品牌活動，她透露剛於上海拍完無綫劇集《梟雄》，稍後會再到大陸數個月拍另一套劇。

唔為拍拖而拍拖

她表示下星期就是她的生日，希望時間可以停頓，問到她是否已屆尷尬年齡，她說：「差唔多喇，都OK嘅，希望愈大愈靚。生日會喺香港同屋企人同埋朋友慶祝。（仲未有另一半同你慶祝？）無呀，之前嗰啲都係誤傳。（有追求者？）有嘅，不過唔適合，要有感覺先得，但係我覺得單身都OK嘅，唔會為拍拖而拍拖。（你成日唔喺香港好難識到男仔？）所以我要積極啲，睇下啲朋友有無介紹。」

考慮續約問題

而問到她是否已跟無綫續約，她說：「未續約，未到期，都傾緊，自己年紀唔細，要諗清楚。（要諗啲咩？）我覺得我工作咗已有一段好長嘅時間，要諗吓嚟緊條路想點行，出年就入行16年。（連你都走埋？）未，要諗，公司有同我傾。（咁你有咩要求？）無，唔想畀太大壓力自己，人生除咗工作仲有其他嘢。（其他公司有無傾？）都有啲會問。（大陸？）都有。錢唔係最重要。（要有時間畀你識男朋友？）呢樣好緊要。同埋想自己分配吓要做啲咩。（簽部頭？）未係好細節咁傾。」

另外，問到有傳她舊愛黃宗澤有新歡，她說：「呢啲唔應該再問我，咁有女朋友或者新人係好正常，無論如何都祝福佢，只要佢開心。」