女友都攞嚟玩？祖藍爆亞男愛食「雞啫啫煲」？

王祖藍、李亞男、郭晉安、萬綺雯、張繼聰及林盛斌，到油塘宣傳無綫劇《老表，你好hea！》。祖藍與女友李亞男同台，公然耍花槍，祖藍取笑亞男劇中廣東話不標準，亞男即說：「其實都係做番自己，我現實中講嘢都唔正，有啲外國口音。」豈料祖藍聞言卻大玩踢爆：「上次仲好笑呀，佢（亞男）話要食『雞啫啫煲』喎！」「氣」得亞男哭笑不得。雖然男友咁衰爆大鑊，但亞男之後見男友玩遊戲期間，被觀眾用吹氣bon bon棒仆頭時，她即挺身護草，並大叫：「唔好打得咁勁，會打傷佢呀！」肉緊到哩。

指與安仔將來仍會有機會合作

談及在劇中用了亞視《我和殭屍有個約會》的歌曲，祖藍表示：「我check過版權，問過作曲家及作詞家協會，冇問題！（無綫冇過問？）咁萬綺雯都可以出現喺無綫，今次係大膽嘗試，網友話聽到首歌好感動。可能近期大家掛住喺社交網站貼政治嘢，唔似上輯咁貼個劇啲嘢，呢個我會承擔番。」他又否認與郭晉安不和：「唔會不和，同佢不嬲老友，我好多謝佢鼓勵我，我哋有傾今後嘅合作，佢都好有興趣。（有指你《老表3》飛起佢？）我根本冇諗住開第三輯，見好就收，想轉其他題材。」

郭晉安亦否應不和傳聞，他說：「好彩我同祖藍好熟，如同個唔熟嘅傳，都唔知點算，我太耐冇試過傳呢啲是非。佢有搵我傾新題材，我都期待有新合作，佢創作力好強！」