安祖蓮娜上身　JC化身性感黑魔后

Jessica C.、安志杰、伍允龍、袁嘉敏及張馳等演員，到中環出席新片《屍城》萬聖節派對，眾人悉心打扮，JC表示：「我呢身裝扮係參考咗安祖蓮娜祖莉嘅《黑魔后》，（咁性感夜蒲，唔驚？）唔驚，有兩位強壯嘅男士保護我嘛！」

安志杰說：「我扮漫畫《北斗之拳》主角拳四郎，我好想飲酒呀！（飲咗用北斗之拳打人？）唔會，我飲醉咗係好友善㗎，（友善唔怕令女生誤會你想追佢？）應該唔會嘅！」

伍允龍則表示：「我呢身骷髏骨look，係我睇youtube好鍾意，所以自己化。」安志杰扮拳四郎，仲大隻過漫畫入面嗰個拳四郎！