張瞻愛創作Rap歌「食媽媽」　謝安琪Sad到爆

謝安琪盛裝出席CASH頒獎禮，她表示初出道時曾和老公張繼聰一同出席CASH頒獎禮，自己亦對此頒獎禮有情意結：「我好鍾意嚟，因為好少機會接觸幕後人，又可以感受下個行業。而且CASH對我一直好大好鼓勵，自我入行第二年就屢次獲得最佳女演唱人，資歷咁淺都獲得人欣賞，所以就好鍾意呢到。」不過今年女歌手獎由王菀之奪得，Kay表示替對方高興，更打趣謂：「獎項嘅嘢多多益善少少無拘， 我自己都有個仔啦， 當然戥佢開心。」她又指一直欣賞對方，平時也有聽她的作品，不過笑言在家聽得最多的是自己的歌:「要贏人先要贏自己，我要比人哋聽得更多自己嘅歌！」

她又指七歲囝囝張瞻有自己一套的音樂取向：「曾經有個網台搵佢做匿名DJ，佢自己有個playlist，都曾經激發到我寫咗首rock底嘅歌。佢好有節奏感，成日rap，但係最近寫左首rap令我痛不欲生，佢好鍾意押韻，然後就rap『If you are hungry, you can eat your mommy.』我好傷心，我話肚餓可以eat curry，點解要係Mommy? 其實eat daddy都得架！不過佢講完就笑得好開心，咁創作過程自得其樂都幾好。我有幫佢拍低片，屋企有好多小電影，比人搜屋真係不得了。」