慳妹李詩韻拎品牌禮品孖男友「鴛鴦潛水」

黃浩然偕李詩韻出席運動品牌活動擔任嘉賓，席間，原已穿上品牌外套的二人更在活動期間換上另外一款，喺短短半個小時間Sell足四款外套，非常抵得諗。訪問時詩韻表示二人已是第六年擔任品牌嘉賓，浩然笑謂：「見證住老闆個女大肚生埋小朋友。」

西藥食太多面腫

浩然臉上仍然有些少腫，他表示可能因之前服用得太多西藥的關係：「但係個磅數無加過㗎。」又笑謂自己有Keep住做運動，行山甚至跑山都完成沒有問題！另外他有份主演的無綫劇集《名門暗戰》現正熱播，直認時間表都排到密麻麻。

恨考潛水教練牌

而詩韻就表示自己很喜歡潛水，更因為品牌禮品節省不少，連潛水教練男友亦有份，認真慳家，她更自爆不時會一同「鴛鴦潛水」：「一定捉住佢喺身邊，我覺得佢好勁，有佢喺度會定啲。我都希望考一個教練牌，好想去墨西哥潛水睇大白鯊。」