黃翠如孖蕭正楠拍拖似麻甩佬：我想打佢！

藝人黃翠如於尖沙咀出席品牌活動，期間司儀多次把她與蕭正楠的戀情「擺上枱」，令翠如哭笑不得！問到她會否考慮與男友以「情侶檔」出騷？翠如sweet爆地話等公司安排：「等我哋套新劇《師奶Madam》播咗先，唔知（到時）會唔會尷尬。（拍住上騷嘅話賺錢會多啲？）我自己嘅騷價都ok！」她自爆想儲錢置業，但未考慮與男友齊齊買樓。

問到公司高層疑不和會否令她冇劇拍？她自爆將會與洪永城拍旅遊節目：「唔關事，傾緊拍旅遊節目，驚（觀眾）見到我哋都覺悶。（換上男友拍？）冇，我同洪永城都唔畀面大家。（要畀面男友所以唔一齊拍？）佢好少做節目。」

翠如又大讚男友於新劇表現精彩：「佢叫我唔使讚佢咁多，佢個角色好欠打，我都想打佢。（對男友小鳥依人？）我哋嘅相處似兩個麻甩佬，會飲啤酒。（多唔多女仔黐住男友？）證明佢有魅力。」