四月同郭羨妮拍劇　黎耀祥唔覺佢有唔舒服

藝人黎耀祥（祥仔）於荃灣出席聖誕亮燈儀式，分享難忘聖誕經歷。祥仔表示最難忘是為剛出世的囝囝布置聖誕裝飾：「生咗小朋友後令我都變小朋友，會有耐性去搞聖誕布置。」

談到郭羨妮於微博表示於四月不幸流產，當時與對方拍攝無綫劇集《無雙譜》的祥仔稱沒有發覺對方身體不妥：「同佢拍戲時唔覺佢唔舒服，我哋仲食收工飯。當時傳佢有B，但我唔好意思問。」祥仔又稱對方「生幾多都有」：「佢咁後生，繼續努力就生幾多都有，唔使擔心，冇事嘅，撞到都會問候佢。」問到是否拍劇辛苦令郭羨妮過度操勞？祥仔說：「唔算辛苦，冇返大陸拍，今次可能係其他問題，希望佢冇嘢。」