汪明荃名店置新裝

汪明荃日前獨自現身中環逛名店，甫進店內，汪阿姐隨即四圍行，為看得更清楚，她索性除低黑超慢慢睇，店員見到貴賓駕臨，亦不敢怠慢在旁邊熱情款待。

起初揀套裝的阿姐，期間走到櫥窗前研究公仔着住的長裙，逗留約15分鐘便揀下心頭好，她埋櫃枱簽賬後急急戴回黑超走人。手持戰利步出的阿姐，見到記者即微笑示好，表現友善，問到是否專程出來置裝？她說：「我拎咗條裙嚟改。」阿姐說畢後便匆匆離開。