皮膚靚咗自信爆燈　馬國明等女追

藝人馬國明到柴灣拍攝男士美容中心廣告，他說：「我都唔記得今年係我第六定第七年代言，（酬勞七級跳？）要問番公司。我最開心係可以試佢哋嘅產品，我以前面嘅皮膚都唔太好，但用咗佢哋之後有改善。我都有介紹公司同事試用，自己若果唔使開工，個個禮拜都去做facial。」

冇見徐佳琦

問到馬國明係咪面皮變靚後，追女仔更易，他笑言：「我諗都有幫助，自信心都大啲呀！（之前被《好報》拍到同模特兒徐佳琦去街，最近發展如何？）冇聯絡，冇見。（冇約人？）冇喎，我都唔知點解，我係怕煩怕約人嗰啲嚟。（見光死？）唔係，我呢輪都要忙拍《梟雄》呢。（喺香港都可以約人食飯㗎？）約第個，講吓啫，我未有新目標，或者等人望吓我個靚仔咗啲嘅樣，嚟約我囉！」