張兆輝破格演出孖敏之爆房尋「性」

張兆輝、陳敏之、阮兆祥、許紹雄、江美儀、陳嘉佳等本月尾將會開拍一套以性題材為包裝的趣劇，據知今次內容踩界，簡直挑戰電檢尺度。敏之劇中飾演一位性治療師，而劇中老公張兆輝是一名性社工，二人經常去「爆房」，鬧出不少笑話來。許紹雄則娶了來自內地的嫩妻陳嘉佳，小寶更經常度出不少情趣來挑起他的性慾。

監製文偉鴻接受訪問時大爆今次輝仔會有一個大突破，他謂：「總之佢喺老婆敏之眼中，係提供快樂的泉源。」張兆輝接受訪問時，被問到為何今次會接拍此破格角色時，他謂：「其實今次喺香港劇集上，係一大突破，依家其他地區劇集都好開放，香港劇集都應接納多啲題材。」問到有一對仔女的他，拍此劇會否感尷尬，輝仔說：「個女依家五年級，學緊性教育，佢都有問我同太太呢啲問題，係佢教番我哋轉頭，令我覺得呢樣嘢唔係咁難開口。」

敏之性方面好正常

劇中女主角陳敏之坦言都要去找一個專業的性治療師去揣摩角色，她謂：「我都想了解吓平時啲病人喺性方面究竟遇到乜嘢問題，有乜嘢性方面的疑難。（你有冇疑難？）我冇！我好正常。」問今次會否性感演出，她說：「唔會喇！（有挑逗張兆輝場口？）唔係挑逗，行房嗰啲囉！依家觀眾接受能力都好高。」