原諒彭順出軌 李心潔靠禪修學識放下

20141107
東網電視
更多新聞短片
李心潔已原諒了老公彭順有小三,得以保住婚姻。
影后李心潔與導演老公彭順月前經歷小三李悅彤介入婚姻,令她與彭順的婚姻陷入危機,但心潔既原諒了老公,又饒恕傷害自己的人,對感情拎得起放得低,展現出過人的智慧,她以戲喻人生說:「做戲要識離開角色,人生都一樣,要識得放下。六年前我開始去禪修同睇佛教書,佛教教愛同智慧,令我變得平靜,生命有起有落、有順有逆,只要將挫折視為學習機會,就會珍惜每個際遇,一切都已經好好,正如我由細到大,都好幸福,要做嘅我都做到。」
心胸闊不會受傷害
心潔雖知足常樂,她又如何應對外界的不知足呢?她說:「我對感情唔係話執唔執着,係我唔想自己對愛嘅表達咁狹窄,我想用心去愛眾生、去包容。(被愛嘅人傷害係咪最傷?)係咪傷害、傷害係深係淺?好睇自己,覺得傷係因為有所求,但好愛一個人係應該冇所求,冇所求就唔會有受傷嘅感覺,心胸闊就唔會覺得係傷害。(彭順都認為你心胸廣闊?)哈哈,我唔知,要問番佢!但我係比較快搵到出口嘅人,會用智慧去試圖明白成件事。我覺得所有喺我身邊出現嘅人,都係我嘅菩薩,係嚟幫我修行,令我變成好好嘅人,佢啱啱考驗我,係畀機會我做功課。」心潔繼續說:「兩個人喺埋一齊總會經歷挫折,但喺得埋一齊,就要用愛去成長,互相扶持,同甘共苦!」