張繼聰入行30年　仲拎新人獎？

藝人張繼聰出席跑步活動，分享自己平時練跑的心得。提到他早前於新加坡奪得新人獎，他表示十分高興，當被記者質疑他已不是新人時，他就開玩笑説：「我遲啲諗住搞個入行30年嘅音樂會，希望可以喺新光（大劇場）搞！」原如曾在小時候擔演過童星的他，確實已經有30年的資歷！

阿聰繼續搞笑，他指作為TVB的新人壓力會比較小：「新人幾好架！如果導演話我做得唔好，我可以同佢講因為我係新人呀嘛！」之後他才認真地說最重要是能保持着新人的謙虛。

另外，老婆謝安琪（Kay）之後亦會為TVB拍劇，問到阿聰會否向她指點一下時，他就大讚老婆有表演天份：「幫到就幫啦，我哋之前睇完戲都會一齊討論番嘅，佢對演戲都有自己嘅睇法，可能我會負責做司機囉！因為拍劇嘅時間比較長。」他透露年尾會開拍新劇，與Kay拍劇時間會有重疊，屆時可以在電視城相遇。