首演花心男　黃浩然恨畀網民鬧

藝人黃浩然出席電台訪問，提到他的新劇《名門暗戰》時，他表示有留意網民在討論區發表的意見：「佢哋好多都話鍾意睇我同祥仔（黎耀祥）、定欣（胡定欣）嘅對手戲，又話好想我同定欣可以一齊。我本身其實都怕同定欣嘅感情戲喺短短幾集未建立到，但好彩之後嘅反應都好好！」他又提到角色之後會變得只顧自己的利益，與祥仔有愈來愈多的分歧，問到會否害怕被觀眾痛罵？他說：「我就係想佢哋鬧我！」而浩然在劇中的角色可謂艷福不淺，與多位女星都有感情戲，他說第一次飾演花心的角色，希望出來效果會好。

健康良好

提到他的健康狀況時，他表示已經康復了不少，自己亦會留意住身體，至於會否減少工作？他說：「咁又唔會！不過依家身體狀況會成為一個考慮因素。」

早前郭羨妮在微博上提到自己流產一事，浩然表示不知情，但為對方感難過，現在知道消息後會問候一下對方：「我哋對上一次見已經係拍緊《無雙譜》嘅時候，希望佢可以快啲平復番心情！」