任達華皮膚敏感焗打針　琦琦當藝術？

任達華出席鐘錶品牌舉辦的慈善籌款晚宴，透露早前到北京拍攝電影，因天氣關係導致皮膚敏感：「一起身塊面就敏感，可能因為天氣太熱。（但尋晚天氣已經轉涼？）我冇開冷氣瞓，喺北京拍攝時淋咗幾日雨，好似畫咗幅畫喺面上，要去打針，因為要見人。（老婆有冇嚇親？）冇嚇親，當藝術嘢咁睇，今朝塊面有八種紅。」

華哥表示逗留在北京兩個月，覺得當地天氣和空氣也非常差：「聽日再上北京拍海報，再去泰國一來一回，之後再去北京，但天氣係咁轉。（老婆冇陪你嚟？）今朝佢有活動，同埋星期六要陪小朋友。」而向來是住家好男人的他，指男人必須要忙於工作，因要擔起照顧家庭的責任。