張智霖變番初哥哥　與阿佘再合體瞓唔着

張智霖（Chilam）與佘詩曼千禧年合拍電視劇《十月初五的月光》，創下平均收視36點、最高收視46點的驕人成績，更令二人的事業攀登高峰，角色至今仍讓觀眾津津樂道，近日《十》被導演葉念琛搬上大銀幕。

合照勾集體回憶

一眾演員包括Chilam、阿佘、薛家燕及馬海倫等雲集九龍灣一間卡拉OK開工，眾人先影大合照並上載至互聯網，瞬即勾起大家集體回憶，Chilam留言：「哇！覺得很震撼！大家都很好！《十月初五的月光》開工大吉！」

避嫌唔同阿佘坐

據悉《十》片將交代君好下嫁司徒禮信（當年由馬浚偉飾）後好景不常，喪夫的他重遇初哥哥並再續前緣，全片劇情催淚感人，難怪Chilam受訪時說：「坦白講，個角色（初哥哥）已經離我好遠咁，近期成日要『Cool魔上身』嘛！所以昨晚都瞓唔着，諗咗好耐應該點演，好彩今朝導演都收貨！雖然簡單一場戲當熱身，但我嘅感覺返番嚟喇！（同阿佘Happy Ending？）你到時睇吓咪知囉！（見番舊拍檔有咩感覺？）99%原班人馬，真係恍如昨天！（合照唔同阿佘一齊坐？）點解一定要呢？」

有指《十》片計劃於本月26日（農曆十月初五）移師到澳門開鏡，Chilam搞笑地說：「係有咁聽過，不過嗰日我本身另外有工作，睇吓配唔配合到囉！搞唔掂就叫張振朗嚟幫我頂住先，大家都話佢扮得好似我嘛！」