廖碧兒做女強人呻冇時間拍拖

藝人廖碧兒（Bernice）出席第十屆「莎莎婦女銀袋日」，身穿低胸晚裝大騷豐滿上圍，頭戴非洲民族羽毛禮帽現身，相當有異國風情！近年主力在大陸發展的Bernice表示：「會兩邊走，之前都有幫港台拍電視劇，希望可以多方面發展，但會留時間做慈善。」

Bernice透露會將自己親自釀造酒，作為慈善拍賣：「之前有喺內地拍賣，一支拍賣咗25萬人民幣（約31.6萬港幣），自己喺法國同美國都有酒莊。（做生意辛苦嗎？）唔辛苦，自己嗜好。（有冇時間拍拖？）冇，都想，不過冇時間。」