王菀之着冷衫熱辣辣狂流汗　濕晒！

歌手王菀之（Ivana）出席演唱會專輯簽唱會，全身白色打扮的她明顯心情大好，不時開玩笑，獻唱《留白》時又跳跳紮。身穿毛衣的Ivana表示十分熱，問到裏面有沒有濕晒？她就勁誇話：「入面有個泳池。」她指近來很感性，早幾日看專輯中的演唱會製作花絮都看到眼濕濕，不過她搞笑賴是天氣關係：「可能轉天氣喇，係會影響少少心情。」

Ivana透露現時學整甜品，問到男友試食後有何評價？她即扯開話題說：「反而最感動係我助手喎，佢話係佢出世都依家食過最好食嘅朱古力香蕉鬆餅。」她表示現時跟男友感情穩定。

撐蔣志光復出

談到最近主演劇集《老表，你好hea！》蔣志光的《相逢何必曾相識》hit爆，Ivana表示：「冇諗過我把聲可以同首經典歌一齊出現，好感動可以同兩位頂級唱作人前輩合作。（支唔支持蔣志光復出？）我唔覺得佢有離開過音樂，佢對音樂都係好有心。」

另外，有電台女職員在網上大爆《叱吒》得獎名單，更直指Ivana將捧女歌手獎，對網上流傳她謂：「好多謝嗰位女職員對我咁有信心，不過年年都有呢啲嘢，結果都係同名單唔同。（信心大咗？）唔會喇。」