被奪「第一次」　Bob承諾養細細粒

林盛斌（Bob）和細細粒（陳嘉佳）的重口味終極長吻將挑戰電視尺度，為無綫劇《老表，你好hea！》再掀高潮，畫面更比經典劇集《網中人》中周潤發和鄭裕玲激吻兩分鐘的場面更為震撼！雖然阿Bob奪走細細粒聲稱的「真實初吻」，但他覺得對方技巧純熟，不似第一次：「佢仲識就位，一Take過完成！（佢蝕大底！）兩邊都蝕底，我知道佢係初吻之後，就同佢講嗰幕出咗街之後幾年都冇人要嘅話，我就養佢！」阿Bob指細細粒正在減肥，食量漸少，老婆、囡囡再加上她，養五個女人綽綽有餘。

自認「不嬲重口味」

劇中背脊布滿拔罐印的他，不怕被嫌咀戲太重口味，更笑說：「我不嬲都喺啲節目行重口味路線，唔怕畀人話。」而細細粒則自爆親熱前做足「安全措施」，為確保沒有口氣，又刷牙又漱口。