35歲胡杏兒心急搵男友：唔介意Speed Dating！

胡杏兒在中環出席慈善活動，大會相當貼心！為剛過了生日的她送上蛋糕補祝。提到昨晚出席好友胡蓓蔚生日會時，杏兒就笑言：「我親手整咗cupcake畀佢，第一次整！整咗3日，因要試吓，怕唔好食！行晒港九新界買材料，畀狗仔隊影到，怕畀人話我要睇中醫。」

杏兒還表示搞生日會當晚，被陳敏之大爆她有男友。問到男友昨晚有否現身？她說：「我冇男朋友，我都想有！我都戥Ella（官恩娜）幸福，大家同期，又一齊做過許冠傑演唱會，平時都會傾偈，佢搵到個咁好、咁靚仔（嘅另一半），戥佢開心！（咁你呢？）我真係無。」

與Ella一樣35歲的杏兒更自爆不介意speed dating，她說：「Ella係咪真係speed dating識？如果係嘅話我都唔介意，依家係先進社會，冇話相唔相睇，當識多個朋友。（係咪心急？）唔係，單身都ok！身邊嘅人仲心急。不過影到我與唔同男士出街，就唔使咁緊張同surprise 。」