鍾嘉欣否認唔續約爭視后

鍾嘉欣出席時裝店開幕活動，被問到是否不續約無綫及有意退出幕前，她否認其事，透露與無綫還有幾年約，還希望事業上有更大突破，現階段以事業為重。而有指她不續約是以退為進？她說：「我唔係有計謀，有招數嘅人，只係好簡單去做嘢，喺公司十年，真係好開心，學到好多嘢，又進步咗好多，希望事業更上一層樓。（咁係咪攞咗視后先結婚？）咁又唔係，視后隨緣，結婚生仔好講Timing，生BB前仲有好多嘢想做。（同男友有共識？）我係有共識嘅人。（結婚後再做都得？）如果結咗婚未必百分百投入到，會有其他嘢都做。（會否為生B而結婚？）唔會，咁樣對愛人或小朋友嘅思想都唔好，我好傳統，拍拖、結婚再生仔，會跟着呢個方向行。」

鍾嘉欣臉上長了不少粒粒，被問到是否最近壓力太大，她說：「我最近練氣功，咁之前會幫你排毒，調理五臟六腑先。（有否與男友伍允龍切磋？）呢樣嘢邊有得切磋。（一齊做？）冇，我初級班，驚吸咗佢嘅氣。」