年尾完部頭約　馬德鐘未知去留

藝人馬德鐘為代言腕錶拍攝廣告，透露自己平常拍劇會買一隻新腕錶佩戴，作為該劇的紀念，現已收藏十多隻，並笑言會要求品牌推出一隻軍錶代表《飛虎2》。問到會否買名錶保值？他笑言：「會，不過唔多，我都唔係好有錢。（仔仔會唔會戴你啲錶？）佢好少戴，不過依家有贊助，全家人都有錶戴。（同太太有冇情侶錶？）冇，我想自己設計我哋專屬嘅情侶錶。」

另外，他透露現忙於《飛虎2》宣傳及新劇煞科，稍後將到北京拍攝內地劇。他透露與無綫的部頭合約及自己的經理人公司合約將於年尾完結，現亦有不少經理人公司向他招手。他說：「咁啱《飛虎2》反應好，依家仲各方面都傾緊，未有定案。（有傳無綫唔再簽部頭約，一定要簽埋經理人約？）好多嘢都仲部署緊，我離開無綫都幾年，依家係部頭約，起碼喺香港唔上得其他電視台。（簽約你着重咩條件？）錢、發展空間同機會，希望自己嘅位置可以提升。」而問到胡杏兒有向他透露感情狀況？他坦言沒有，笑言不知道對方動向。