梁烈維苟芸慧床戲太激：過唔到法律！

無綫藝員苟芸慧與梁烈維現身尖沙咀一間健身中心為劇集《飛虎II》宣傳。其間，維維自爆與苟芸慧在劇中有激烈床戲，而且還拍了多個版本。他笑言：「最激嗰個版本唔出得街，激到過唔到法律！其實唔係色情嘅，但詳情就唔講得，驚爆咗個結果出嚟！出街個版本有攬攬同錫咗苟姑娘額頭一啖。」

拍親熱戲唔尷尬

苟姑娘表示對維維十分信任，所以大家拍床戲也不會尷尬，她笑言：「交畀佢我會好放心，同埋會幫維維老婆睇實佢。」二人均表示希望《飛虎》能有第三集及開拍電影版。不過，二人就希望大家下集可以「分手」，維維笑言：「我想試吓其他人，希望係陳嘉寶！佢好似我嘅初戀女友。」苟芸慧亦希望拍檔可以換上許家傑。