官恩娜平底鞋現身　惹大肚疑雲

歌手官恩娜（Ella）出席鞋履品牌開幕活動，身穿平底鞋現身的她，表示很高興與品牌創立人見面，問到是否有喜訊公布時，她即笑言：「唔好嚇我，我成日都check住自己個period cycle。（平時好少着平底鞋？）都真係冇乜着，除咗做運動着運動鞋，我應該唔係有咗。（點解係應該呢？）媽咪話咩都唔可以講100%o架。」

為結婚計劃忍痛割愛

她透露近排除工作外，亦忙於計劃新生活：「喺度諗結婚之後要一齊住，真係鞋都要掉幾對，我本身有過百對鞋。（唔係佢就你先啱咩？）咁可能要掉晒佢啲衫同鞋啦，當結婚殺到埋身，真係要搵空間畀我擺衫同鞋，依家仲搵緊。」

她又謂對以後的家只有一個要求：「就係要有一間房畀自己扮靚，擺到所有衫褲鞋襪，仲未諗BB嘅嘢。（呢排係咪未來老公腳頭好，多咗工作？）其實呢啲工作係之前接落嘅，我唔想再讚佢，因為你係要好鍾意嗰個人先會同佢結婚，所以你哋（記者）講咩，我都只會讚佢咋。（咁工作有冇多到啫？）都有唔同嘅工作範疇搵我，好似婚紗呢啲。」