黃浩然演大反派博鬧

黃浩然早前突然患上罕見的「貝賽特氏症」要入院留醫兩星期，身體響起警號，浩然說：「自己有廿幾年冇發過燒，喺無綫呢七年都冇冧過廠係靠意志堅持，話畀自己聽唔可以冧廠，今次係身體嘅一個警號，可能係咁多年積埋積埋，以後都唔會死頂，今次令老婆好擔心，第日會將家庭放返喺第一位，唔會淨係諗住做工作。」

浩然在台慶劇《名門暗戰》第一次以大反派亮相，開工時壓力大到失眠的浩然說：「角色由好變壞、好多灰色地帶，拍嗰陣都好大壓力搞到失眠，角色後期變晒質好多歪理，唔覺得自己錯，得唔到都要摧毀佢。」是實上反派往往會更搶戲，問做慣好人的浩然可會愛上做反派﹖他說：「最好不停咁轉下，之前有一排連續幾套喜劇，後尾都覺得自己冇貨，唔抗拒做壞人，的確壞人發揮空間大啲，今次試下水溫，我都想出街畀觀眾鬧，咁即係代表中喇。」