王菀之搞笑背後　辛苦冇人知

歌手王菀之再度拍攝無綫劇集，在新劇《老表，你好hea!》豁出去改演恨入娛圈恨到出面的港女，Ivana表示今集的對手戲，並不是王祖藍與張繼聰，反而是蔣志光與李家鼎！她說:「係套劇入面，蔣志光係我歌唱老師，同時佢又係殯儀館工作，最好笑嘅一幕係蔣志光為咗挑戰我嘅膽量，要我係殯儀館唱歌，結果班家屬用紙祭品招呼我！」

但其實搞笑背後亦有辛酸，坦言拍攝期間有兩星期撞正演唱會，令她身心疲累，幾乎支持不住！她說：「拍《老表》個時，有兩星期同演唱會撞咗期，個段時間真係好辛苦！最辛苦係綵排演唱會時好認真，心情比較沉重，但係返到劇組就要變成另外一個人，要好開心、好雀躍，但我發覺原來我係做唔到，我亦都唔可以將放喺演唱會嗰種認真、沉重帶返去劇組！」最後，劇組體諒Ivana的情況，讓她在排練演唱會期間不用拍劇。被問到有否因而減少了戲份？她說：「咁無可能可以淨係拍其他人戲份先，我諗點都會刪減少少，不過佢哋無同我講，佢哋唔想我唔開心！」

在劇中與張繼聰飾演情侶的她，爆料指阿聰是一廂情願騷肌！她說：「咁我就唔知監製有無要求佢除衫哂肌肉啦，劇組有叫我哋盡拍！（監製叫佢除衫？）咁我又唔知啦，叫我哋盡拍，但係盡成點就得佢自己知！」Ivana又笑指阿聰即使不需要拍攝時亦欣然除衫，笑對方根本就熱愛哂肌！至於二人在劇中有沒有親熱鏡頭？她直認二人有親吻，Ivana謂：「我肯係電視機前鍚鍚已經係好大勇氣架啦！點會激呀！」，又笑謂導演拍攝二人親吻戲時拍到不肯停機：「都唔知導演係咪同阿聰夾埋嘅！」