楊秀惠晒自拍技術　點知失敗咗

無綫藝員楊秀惠喺微博上載咗多張靚靚自拍，佢留言話：「我很努力的，想在自拍的情況下將樣子和鞋子放在同個畫面裡（裏）～結果～～好的我承認，穿著（着）4寸高跟鞋的我～～失敗」佢嘅支持者立即留言話一啲都唔失敗呀，仲話佢影得十分之靚添。其實近排好多明星藝人都流行用「自拍神棍」去影相，唔知楊秀惠會唔會考慮買枝嚟用呢？