陳慧琳自爆生蛇　古仔即彈開驚傳染

古天樂與陳慧琳（Kelly）相隔3年再合作，二人獲酒店集團「撮合」拍攝微電影。在戲中，Kelly同古仔關係「升呢」，由戀人變作小夫妻。Kelly笑言：「都有啲親熱場面，就好似兩個人互相睥住嚟錫但又錫唔到咁！」古仔在旁聞言謂：「叫導演遲一啲叫cut囉！」

陳慧琳生蛇怕留疤

Kelly被發現右手臂遍布紅印，她解釋：「生蛇呀！醫生話同水痘有關，不過就嚟好番！最嚴重嗰時成日感覺好似觸電咁，沖涼時啲水彈埋嚟又好痛！（驚唔驚傳染畀兩個囝？）大囝打晒預防針，細囝就欠一支，不過應該冇事。醫生反而擔心我會有疤痕。」古仔即謂：「我都未出過水痘，會唔會傳染架？我有個藥箱裝住唔同類型嘅藥傍身，因為成日要走埠。」

隨後Kelly笑言：「上次同古仔合作係生囝，今次就生蛇。」古仔謂：「你夠嘞，就嚟開酒樓，咁多點心！（意指Kelly嘅囝囝蝦餃仔及小龍包）」Kelly續說：「咁又係，一盅兩件夠晒數！」