胸壓蔡思貝咀得激！蕭正楠唔敢畀翠如BB睇

藝人蕭正楠（Edwin）到鑽石山宣傳劇集《名門暗戰》，談起劇中其中一幕要胸壓蔡思貝的咀戲，他說：「蔡思貝話佢個熒幕初吻畀咗我，場戲對我嚟講都算激！不過都係有劇情需要嘅。（要唔要向女友黃翠如備案？）大家都係演員，好明白係拍戲需要，（佢拍咀戲都照睇？）未必，費事睇完心火盛，所以我都唔敢問佢有冇睇《名門暗戰》，希望佢咁啱冇睇到我嗰場咀戲。」

Edwin還提到劇中與蔡思貝會酒後亂性：「下個禮拜個劇情就會講到我同蔡思貝、陳凱琳三角戀。（你同黃翠如多唔多飲酒？怕唔怕酒後糊塗？）我哋食飯可能飲少少，唔會飲好多，佢都唔飲得。」