佘詩曼Tube Dress吸金：見到靚靚冇尷尬

藝人佘詩曼出席鐘錶品牌旗艦店開幕典禮，她透露正忙於拍攝電影《十月初五的月光》，對於拍檔張智霖被指不滿劇本，要求導演作出修改，她否認有其事，指各方面多作溝通才會令拍攝更加理想。

袁詠儀冇嚟探班

因拍劇曾與張智霖傳緋聞的阿佘，被問其太太袁詠儀（靚靚）可有探班？她表示未在片場碰見過：「開鏡嗰日冇去。（咁之後有冇去？）一直都冇。（怕見到會尷尬？）唔會介意、唔會尷尬，如果介意就唔會接呢部戲啦！」

原來阿佘今早才從大陸鶴山開完工作返港，她笑言「賺完人仔再賺港幣」，以一身Tube Dress性感打扮出席活動，她說：「呢條裙係造型師安排，我不嬲唔係行性感，（選視后嗰日會性感？）最緊要靚。」

爆周家蔚懷胎忍口

對於好姊妹周家蔚出席活動時宣布懐有第二胎，她笑言已經保守了這個秘密多時：「好開心多咗個契仔或者契女。（送咩禮物？）唔會咁快諗，要睇個樣決定，佢之前生過一胎，所以會戒口。（有冇引家蔚食嘢？）佢忍口忍得好犀厲，我哋打邊爐佢都忍到。」