自爆影相被揸胸！張繼聰「封肌」大呻男女不平等

張繼聰出席無綫劇《老表，你好hea！》宣傳活動，透露月底將開拍新劇《收規華的良心》，又謂肌肉要「冬眠」兼要「封肌」，他笑言：「我唔係想做豔星，自己始終係演員，唔行性感路線！其實我都好怕凍。」

被瘋狂粉絲非禮

張繼聰又自爆日前遭女粉絲「胸襲」，他笑言：「有次去大排檔食飯，有個阿姐揸住我個胸嚟影相，我冇嚇親，當然好開心！多謝佢哋支持。但我睇到依個社會男女唔平等囉！因為平時見到啲女仔以性感形象示人時，你唔會表現到咁（瘋狂）㗎嘛！」他又透露除非有以運動做題材的電影或合適的劇集，否則短期內他也不會隨便騷肌。

做「裸模」連自己都嚇窒

提到劇中與林盛斌（Bob）會做「裸模」，他笑言：「拍攝時我冇為意條褲係肉色同下體激凸，但宣傳時出咗條片，打埋格仔後真係好似（全裸），我都驚！希望觀眾睇嗰時唔好驚。」問到成為新一代「師奶殺手」有咩感受？張繼聰謙虛地說：「觀眾睇得開心就好，我只係為角色去盡啲。」