萬綺雯同歐陽震華吟詩鬥出貓

正與歐陽震華（Bobby）拍攝新劇《東坡家事》的萬綺雯，以古裝造型出席無綫人氣劇《老表，你好hea！》宣傳活動，她解釋新劇日夜趕工，忙到冇時間換裝：「我哋一嚟就日日廠頭廠尾（日夜班），Bobby畀我笑死，大家鬥笑，佢把口講嘢又風趣，我哋啱啱開工一個禮拜，大家最驚吟詩作對，吟詩要講八句嘢冇人聽得明，好難記，所以我哋要出貓。」

配合角色床戲「輕口味」

問Bobby經常爆肚，是否好難接得上？她說：「唔會，Bobby好好，我哋排戲時已經講好晒，有時尾句唔同咗，大家就你眼望我眼，但合作多一個禮拜左右，睇到佢反應，知道輪到我接。」提到《老表》中的床上戲，萬綺雯笑言與郭晉安較「輕口味」，但否認錫身，只是配合角色性格。