梁嘉琪獲封索腿天后　全靠祖藍夠矮？

梁嘉琪、陳明恩及吳沚默幾位《老表，你好Hea!》演員，為台慶舞蹈表演綵排，同場的林盛斌（Bob）及陳嘉佳（細細粒）則大跳辣身舞，效果爆笑。嘉琪直言不敢望二人，因為怕忍不住笑：「我同個男Dancer拍檔講，如果我甩舞，你就繼續跳，我就企喺度扮冇嘢。」嘉琪透露今次是首次參演台慶劇，對於播出後，獲不少網友大讚擁有修長美腿，她笑言多得編劇加主角王祖藍的精心安排：「蚊蚊（萬綺雯）同李亞男咁索都冇得露，加上我又成日企祖藍隔離，佢矮，先咁有效果咋！（以後露多啲？）都冇其他嘢露啦！（做索腿天后？）其實我要駁腳（穿高跟鞋）六吋架！」