北京皮膚過敏　舒淇急向網民求救

現正身處北京拍電影嘅性感女神舒淇，可能因為當地天氣太乾燥，所以搞到佢啲白滑肌膚出晒紅疹，舒淇仲相當困擾添！尋晚舒淇喺instagram上載一張佢條頸貼滿藥包嘅相，仲向網友求救：「嚴重過敏中...怎麼辦？」一眾網友知道女神飽受皮膚敏感之苦後，都紛紛留言獻策，有啲建議佢搽藥膏，有啲就介紹佢去睇醫生。網友五花八門嘅建議有冇用就唔知喇，不過至少令到舒淇覺得好窩心，之後佢仲特登留言感謝粉絲：「謝謝你們，皮膚現在都快好了，有心了！」