田蕊妮戴百萬珠寶唔敢晒事業線

田蕊妮身穿Deep V裙出席珠寶活動，並戴上百萬珠寶，她透露服飾由大會安排，但經同事過目後，認為事業線要「減少少」，她笑謂：「盡量唔好咁勁，等多啲空位睇到啲鑽飾，其實我唔刻意性感。（老公杜汶澤有冇睇過？）冇畀佢睇，成年人做嘢有分寸，佢放心我處理工作。（有冇畀鑽飾相佢睇？）畀佢睇都唔會睇，扮睇唔到。」

買磚頭好過買鑽飾

問到有否收藏珠寶？阿田指以往有可觀收入時，曾想過買鑽飾，但當長大後卻認為於台慶戴便足夠：「咁貴我買唔起，成日有層樓喺身咁，寧願用嚟做買樓首期好啲！」談到胡定欣日前宣布與有米男友分手，正與其合作新劇的阿田表示：「佢都好正常，好專業，有講有笑。（會唔會介紹男仔畀佢？）佢available就會有好多人埋嚟，所以煩緊揀邊個，佢唔使啦，條件咁好！」